Барои гирифтани патент корӣ дар Россия шаҳрванди хориҷӣ бояд маҷмӯи ҳуҷҷатҳои заруриро бо ариза оид ба гирифтани патент ба Раёсати масъалаҳои муҳоҷирати ВКД ФР пешниҳод намояд.

Рӯйхати ҳуҷҷатҳо барои барасмиятдарории патенти корӣ:

• Ариза барои гирифтани патент ба шаҳрванди хориҷӣ;
• Шиносномаи байналмилалӣ;
• Тарҷумаи нотариалии шиноснома;
• Корти муҳоҷират (мақсади дохилшавӣ ба ҳудуди кишвар - кор);
• Полиси ихтиёрии тиббӣ (суғурта);
• Маълумотномаҳои тиббӣ дар бораи набудани бемориҳо, ки пас аз гузаштани муоинаи тиббӣ барои патент дода мешаванд;
• Натиҷаҳои санҷиш дар бораи донистани забони русӣ, таърих ва асосҳои қонунгузории Федератсияи Россия;
• Ҳуҷҷатҳо дар бораи қайди шаҳрванди хориҷӣ барои бақайдгирии муҳоҷират(МУ);
• Ҳуҷҷати тасдиқкунандаи пардохти боҷи давлатӣ;
• Акси 3×4;
• Рақами мушаххаси андозсупоранда(РМА)

Ҳукумати Федератсияи Россия ҳамасола квотаро барои додани ИИМ дар асоси дархостҳои минтақаҳо муайян мекунад, аммо он ҳар сол коҳиш меёбад. Квота аз ҷониби Ҳукумати Федератсияи Россия бо дарназардошти вазъи демографӣ дар минтақаҳои гуногун ва имкониятҳо онҳо ҷиҳати бо кор таъмин намудани шаҳрвандони хориҷӣ тасдиқ карда мешавад.

Иҷозати истиқомати муваққатиро тақрибан ҳар як шаҳрванди хориҷие, ки забони русиро медонад, ба нашъамандӣ, ВИЧ(Вируси норасоии масунияти одам(ВНМО)) ва дигар бемориҳои сироятӣ, ки барои дигарон хатар дорад гирифтор намебошад, гирифта метавонад. Аз ин лиҳоз пешниҳод намудани ҳуҷҷатҳо дар оғози сол беҳтар аст. Зеро агар ин кор ба таъхир гузошта шавад, квота барои додани иҷозати истиқомати муваққатӣ ба итмом мерасад ва Шумо бояд соли ояндаро интизор шавед.

Рӯйхати ҳуҷҷатҳо барои гирифтани иҷозати истиқомати муваққатӣ:

• Анкетаи ба таври дахлдор пуркардашуда барои гирифтани иҷозати истиқомати муваққатӣ дар ду нусха;
• Шиносномаи кишвари баромад ё хориҷӣ;
• Ҳуҷҷати тасдиқкунандаи надоштани доғи судии пардохтнашуда ё бартарафнашуда дар аризадиҳанда бо нусхаи аз ҷониби нотариус тасдиқ ва тарҷумашуда;
• Ҳуҷҷатҳои расмии тасдиқкунанда оид ба гузаштани аризадиҳанда аз муоинаи пурраи тиббӣ (аз ҷумла шаҳодатномаи гирифтор набудан ба ВНМО);
• Аксҳо бе ишораи ҳудуд ва тағйирот (3 дона);
• Ҳуҷҷати тасдиқкунандаи будубоши қонунӣ дар ҳудуди Россия ҳангоми муроҷиат;
• Шаҳодатномаҳо дар бораи доштани дониши кофии шаҳрванди хориҷӣ оид ба таърихи Россия, асосҳои қонунгузории федералӣ ва забони русӣ;
• Санади тасдиқкунанда оид ба гузаштани марҳилаи бақайдгирии ҷои истиқомати муваққатӣ аз ҷониби аризадиҳанда;
• Ҳуҷҷати бонкӣ(расид) дар бораи пардохти маблағи зарурии боҷи давлатӣ.

Тағйир ёфтани номгӯи ҳуҷҷатҳои пешниҳодшуда барои гирифтани Иҷозати истиқомати муваққатӣ, мутобиқи муқаррароти қонунгузории амалкунанда ва ҳолатҳои мушаххас оид ба додани ИИМ имконпазир аст.


Гирифтани Иҷозат дар асоси имтиёз

Дар ҳолате, ки шаҳрванди хориҷӣ ба категорияи шаҳрвандоне, ки дорои ҳуқуқи имтиёз барои гирифтани иҷозати истиқомати муваққатӣ дар Федератсияи Россия тааллуқ дорад, иҷозат бе назардошти квотаи муқаррарнамудаи Ҳукумат дода мешавад.

Ба ин гурӯҳ шаҳрвандони дорои бумии(баромади) давлати дигар дохил мешаванд, ки:

1. Шӯравии Сотсиалистӣ (СССР), Империяи Россияи подшоҳӣ) таваллуд шуданд;
2. Бо яке аз шаҳрвандони Россия (мард/зан) издивоҷи амалкунанда доранд;
3. Дорои кӯдаки синни то 18-сола, ки мақоми шаҳрванди Федератсияи Россияро дорад, мебошанд;
4. Дорои падару модари синни нафақа, ки шиносномаи русӣ ва дигар ҳуҷҷатҳои тасдиқкунандаи шаҳрвандӣ доранд, мебошанд.

Муҳим! Номгӯи имтиёзҳо бо Қонуни федералии 115 муқаррар карда шудааст ва дорои хусусияти мукаммал мебошанд.

Ҳуҷҷатҳо:

• Гузоштани мӯҳри ИИМ дар асоси шартҳои имтиёзнок пас аз таҳия ва ба воҳидҳои ҳудудии Сарраёсати Вазорати корҳои дохилӣ пешниҳод намудани маҷмӯи ҳуҷҷатҳои зарурӣ амалӣ карда мешавад, ки аз ҷумла:
• Аризаи дар асоси намунаи муқаррарӣ тартибдодашуда (дар бланкаи пешбинишуда);
• Гувоҳномаи шахсӣ (шиносномаи хориҷӣ, шиносномаи мамлакати ҳозираи баромад)
• Хулосаи тиббӣ, ки вазъи саломатии аризадиҳандаро тасдиқ мекунад;
• Ҳуҷҷатҳои расмие, ки дар асоси онҳо убури қонунии дидбонгоҳи гумрукии Федератсияи Россия анҷом дода шудааст (корти муҳоҷират, раводид бо гувоҳномаи набудани доғи судӣ);
• Шаҳодатнома дар бораи донистани забони давлатии Россия;
• Ҳуҷҷати тасдиқкунандаи бақайдгирӣ дар ҷои истиқомати охирин;
• Аксҳои аризадиҳанда;
• Ҳуҷҷатҳои расмие, ки ҳуқуқи додани иҷозати истиқомати муваққатиро бе наазардошти квота тасдиқ мекунанд (санадҳои бақайдгирии ақди никоҳ, шаҳодатномаҳои таваллуд, шаҳодатномаи муҳоҷир(переселение) ё паноҳгоҳи муваққатӣ ва ғ.)

Барасмиятдарории Иҷозат барои истиқоматро – ИБИ(ВНЖ) дар Россия чунин шаҳрвандони хориҷӣ метавонанд, ки на камтар аз як сол дар қаламрави Федератсияи Россия зиндагӣ мекунад ва дорои иҷозати иқомати муваққатӣ – ИИМ(РВП) мебошад.

Инчунин, як гурӯҳ шаҳрвандони хориҷӣ метавонанд иҷозат барои истиқоматро ИБИ(ВНЖ) бидуни гирифтани ИИМ(РВП) ба расмият дароранд. Ба чунин гурӯҳ шаҳрвандони зерин дохил мешаванд:

• шаҳрвандони хориҷие, ки ба сифати мутахассисони баландихтисос ба кор даъват шудаанд ва аъзоёни оилаи онҳо;
• шаҳрвандони Ҷумҳуриҳои Беларус ё Туркманистон;
• шаҳрвандони хориҷие, ки аз ҷониби комиссияи махсуси Хадамоти федералии муҳоҷират(ФМС) ҳамчун донандаи забони модарӣ - забони русӣ тасниф шудаанд;
• шахсоне, ки ба онҳо паноҳгоҳи сиёсӣ дода шудааст.

Ҳуҷҷатҳо барои гирифтани иҷозат барои истиқомат - ИБИ(ВНЖ)

1. Ариза дар шакли тасдиқнамудаи Хадамоти федералии муҳоҷират(ФМС) (дар 2 нусха);
2. 4 дона акс (3х4 см), ки бояд ба талаботҳои Хадамоти муҳоҷират ҷавобгӯ бошанд.
3. Шиносномаи миллӣ бо мӯҳри ИИМ ё варақаи иҷозати махсус. Аз лаҳзаи гирифтани ҳуҷҷатҳои номбаршуда бояд на камтар аз 12 моҳ гузашта бошад ва то ба охир расидани мӯҳлат онҳо на камтар аз 60 рӯз боқӣ монда бошад. Агар ИИМ дар блани махсус дода шуда бошад, гувоҳномаи шахсии хориҷӣ (шиноснома) бо тарҷумаи аз ҷониби нотариус тасдиқшуда пешниҳод карда мешавад;
4. Ҳуҷҷатҳои тиббии тасдиқкунандаи гузаштани муоинаи пурраи тиббӣ, инчунин шаҳодатномаҳо дар бораи набудани ВНМО, СПИД.
5. Расидҳои пардохти боҷи давлатӣ
6. Ҳуҷҷатҳои далолаткунанда ба мавҷудияти манзили истиқоматии шахсӣ ё доир ба истифодабарии манзил (аз ҷониби шахсоне, ки дар Россия зиёда аз 3 сол зиндагӣ кардаанд, пешниҳод карда мешаванд);
7. Шаҳодатнома дар бораи сабти ақди никоҳ дар Федератсияи Россия;
8. Шиносномаи ҳамсар - шаҳрванди Россия;
9. Ҳуҷҷати тасдиқкунандаи мавҷудияти даромад (пасандозҳо, гирифтани нафақа) ё тасдиқи кобилияти корношоямӣ.
10. Рақами андозсупоранда (агар мавҷуд бошад);
11. Дафтарчаи меҳнатӣ (агар мавҷуд бошад).

Барои омодасозии маҷмӯи пурраи ҳуҷҷатҳо ҷиҳати гирифтани иҷозати истиқомати муваққатӣ, иҷозат барои истиқомат ё патенти корӣ, танҳо пешниҳод намудани шиносномаи миллӣ ва корти муҳоҷират ба Шумо лозим аст.

• Шаҳрвандони хориҷие, ки бо мақсадҳое, ки ба фаъолияти корӣ вобастагӣ надоранд ва ба мӯҳлати зиёда аз 90 рӯзи тақвимӣ омадаанд (ҳамчунин гурӯҳи шаҳрвандон зерин, аз ҷумла донишҷӯёни хориҷӣ, шаҳрвандони хориҷӣ, ки бо мақсади муолиҷаи дарозмуддат омадаанд, аъзои оилаи кормандони хориҷӣ, инчунин кӯдакони онҳо аз шаш моҳа то 18-сола).

• Шаҳрвандони хоричие, ки бо максади кор ба шаҳри Россия омадаанд.

• Шаҳрвандони хориҷӣ, ки бо мақсади фаъолияти меҳнатӣ аз кишварҳои ба онҳо раводид муқарраргардида омадаанд.

Барои барасмиятдарории ҳамаир ҳуҷҷатҳои зарурӣ оид ба гирифтани патент, иҷозати иқомати муваққатӣ ИИМ(РВП) ё иҷозат барои иқомат ИБИ(ВНЖ), Шумо бояд формаи тамоси мутақобиларо дар сомонаи марказ пур кунед ва ваъд аз он мутахассисони мо ба Шумо занг мезананд. Шумо инчунин метавонед ба почтаи электронии марказ бо нишон додани маълумоти зарурӣ мактуб нависед ё ба рақамҳои телефонии дар сомона овардашуда занг занед.